|
- 杨肃浩 到此为止 歌词
- 杨肃浩
- 作词:杨肃浩
作曲:杨肃浩 编曲:苏通达
离开你的第三日 我开始攑起笔写日记 想着咱熟似彼年的冬天 十九岁的你是单纯甲遐尔媠
离开你的第五日 敢若一切拢无要紧 只是一个人走去听海涌 偷偷仔看着手机仔的相片
无暝无日陪伴伫你身边 嘛捌讲过欲做伙真济年 行过厝内的反对 行过两三年的日子 你煞越头佮彼个人 行斗阵
咱就到这为止 这段感情我嘛无亏欠啥物 将原谅的权利用甲诚惯势 满腹的委屈藏甲袂喘气 咱就到这为止 沿着中港路的青红灯一直开 离开这个充满你的城市 为怎样 沿途南风吹起 阁想着你
慢慢整理一个人的暗暝 我有我的路程你有你爱的伊 疼甲睡一半的梦醒 反来反去想甲无了时 面对你偷来暗去的事实 咱已经行袂转去
咱就到这为止 我的生活早就没你的代志 将补偿的心理拢总收转去 做袂到的话就莫阁讲出喙 咱就到这为止 这条中港路踅啊踅过几若年 踅甲青春的皱纹印伫路顶 彼寡迎新送旧的过程 才是人生
离开你的第九日 恬恬将房间摒清气 留伫这的物件我会寄予你 从今了后莫阁转来 膏膏缠
------------------------------------------
11185/《到遮为止》Kàu Tsia Uî-tsí 杨肃浩Iûnn Siok-hō
离开你的第三日 lī-khui lí ê tē-sann ji̍t 我开始攑起笔 guá khai-sí gia̍h khí pit 写日记 siá ji̍t-kì 想着咱熟似 siūnn-tio̍h lán si̍k-sāi 彼年的冬天 hit-nî ê tang-thinn 十九岁的你 tsa̍p-káu huè ê lí 是单纯甲遐尔媠 sī tan-sûn kah hiah-nī suí
离开你的第五日 lī-khui lí ê tē-gōo ji̍t 敢若一切 kánn-ná it-tshè 拢无要紧 lóng bô-iàu-kín 只是一个人 tsí-sī tsi̍t-ê-lâng 走去听海涌 tsáu-khì thiann hái-íng 偷偷仔看着 thau-thau-á khuànn-tio̍h 手机仔的相片 tshiú-ki-á ê siòng-phìnn 无暝无日 bô-mî-bô-ji̍t 陪伴伫你身边 puê-phuānn tī lí sin-pinn
嘛捌讲过 mā bat kóng-kuè 欲做伙真济年 beh tsò-hué tsin tsē nî 行过厝内的反对 kiânn kuè tshù-lāi ê huán-tuì 行过两三年的日子 kiânn kuè nn̄g-sann nî ê ji̍t-tsí 你煞越头 lí suah ua̍t-thâu 佮彼个人行斗阵 kah hit ê lâng kiânn tàu-tīn
咱就到遮为止 lán tō kàu tsia uî-tsí 这段感情 tsit tuānn kám-tsîng 我嘛无亏欠啥物 guá mā bô khui-khiàm siánn-mih 将原谅的权利 tsiong guân-liōng ê khuân-lī 用甲诚惯势 iōng kah tsiânn kuàn-sì 满腹的委屈 muá-pak ê uí-khut 藏甲袂喘气 tshàng kah buē tshuán-khuì
咱就到遮为止 lán tiō kàu tsia uî-tsí 沿着中港路的青红灯 iân tio̍h Tiong-káng-lōo ê tshenn-âng-ting 一直开 it-ti̍t khui 离开这个 lī-khui tsit ê 充满你的城市 tshiong-buán lí ê siânn-tshī 为怎样 uī-tsuánn-iūnn 沿途南风吹起 iân-tôo lâm-hong tshue khí 阁想着你 koh siūnn-tio̍h lí
慢慢整理 bān-bān tsíng-lí 一个人的暗暝 tsi̍t-ê-lâng ê àm-mî 我有我的路程 guá ū guá ê lōo-tîng 你有你爱的伊 lí ū lí ài ê i 疼甲困一半的梦醒 thiànn kah khùn tsi̍t-puànn ê bāng-tshínn 反来反去 píng-lâi-píng-khì 想甲无了时 siūnn kah bô-liáu-sî 面对你 bīn-tuì lí 偷来暗去的事实 thau-lâi-àm-khì ê sū-si̍t 咱已经行袂转去 lán í-king kiânn buē tńg--khì
咱就到遮为止 lán tiō kàu tsia uî-tsí 我的生活 guá ê sing-ua̍h 早就无你的代志 tsá tiō bô lí ê tāi-tsì 将补偿的心理 tsiong póo-siông ê sim-lí 拢总收转去 lóng-tsóng siu tńg--khì 做袂到的话 tsò buē-kàu ê uē 就莫阁讲出喙 tiō mài koh kóng tshut-tshuì
咱就到遮为止 lán tiō kàu tsia uî-tsí 这条中港路 tsit tiâu Tiong-káng-lōo 踅啊踅过几若年 se̍h--ah se̍h kuè kuí-nā nî 踅甲青春的皱纹 se̍h kah tshing-tshun ê jiâu-hûn 印伫路顶 ìn tī lōo-tíng 彼寡迎新送旧的过程 hit kuá ngiâ-sin sàng-kū ê kuè-tîng 才是人生 tsiah-sī jîn-sing
离开你的第九日 lī-khui lí ê tē-káu ji̍t 恬恬将房间摒清气 tiām-tiām tsiong pâng-king piànn tshing-khì 留伫遮的物件 lâu tī tsia-ê mi̍h-kiānn 我会寄予你 guá ē kià hōo lí 从今了后 tsiông-kim liáu-āu 莫阁转来膏膏缠 mài koh tńg-lâi ko-ko-tînn
|
|
|