|
|
- 农夫 菩提本无 歌词
- 农夫
- 菩提本無
FAMA農夫
Court！
現在由控辯雙方結案陳詞
C-Kwan:踏入二十一世紀
青少年問題每況越下
唔打家 唔劫舍
而係揸住支噴槍亂咁射
佢跳舞 又话老奉襯大袖阔袍 阻塞街道
全部都係歸咎于 一種潮流文化
6Wing: Hip Hop唔系潮流 而系文化
C-Kwan:好啊 咁我就當你講得啱你駁得到啊
但係你著到呢啲衫
邊度有可能會俾你去到上流社會上等階層知識分子嘅地步
6Wing:咦喂你捉錯路
你講緊個啲細路著到大袖闊袍搵條路四圍蒲
係條街度四圍嘈
喂 你估㗎？
邊個話衫大大褲賴賴就等於Hip-Hop
Hip-Hop四大元素入面都無一樣叫Dressing
你仲唔明 仲要攞啲假Hip-Hop嚟問
唉 我真係對牛彈琴 老鼠拉龜
麻煩你 早一啲 返屋企 訓一訓
C-Kwan:咁我就講翻你嘅真正Hip-Hop
根本你就係廢話一堆
係美國本土各省各區攥著有幾百萬嘅家長教師投訴
呢一種音樂係教壞細路
啲歌詞無意思
唔係教你滾女人 就係氹你買毒品
我借問你一聲 點解仲口口聲聲
唱到Hip-Hop懶有意義
如果真正Hip-Hop就係呢種出唔到街嘅字
我懇請政府 立法立例立字
6Wing:正所謂水能載舟 亦能覆舟
你話佢教人去偷去搶
又逼良為娼
好似一把槍
有人用佢犯事 有人用佢維持正義
一個字 真
睇你個心 你個思想你嘅Hip-Hop就係點樣
又似紙筆墨硯你想點就點
做翻自己係 Hip-Hop嘅大前提
唔使掩飾 講句粗口 有乜嘢問題
C-Kwan:就算我認同你所講啊
Hip-Hop都只不過係練口簧無唱功 唔使實力
由頭到尾尾到頭 到頭打你幾勵志
臨別秋波對呢種歌我有少少評語
係聽唔入耳
6Wing:話知你左耳入 呃！ 右耳出翻來
要你明白Hip-Hop嘅傳統就真係快得滯
唔通 哥哥逼你大咩細路仔
唔該 聽翻啲流行情歌愛你有幾多
C-Kwan:喂 唔該 唔該
從來只有黑鬼玩Rap先至會話一代傳一代
中國人咁樣做咪盞更加招來話柄
好話唔好聽 等如鬼佬唱大戲
無人睇又無人理
6Wing: 哼！如果個個都似你
呢個地球就無文化
每個國家收埋自己 人哋嘅文化就係最差
就算係值得學習
都放唔低自己嘅尊嚴去尊重人哋文化嘅專長
陪審團 你哋有咗結果未呢
C-Kwan:我哋一致裁定！
菩提本無樹 Hip-Hop本無根
係你哋打爛沙盤問到篤嘅時候唸一唸
你係唔係一成不變 對Hip-Hop存有偏見
甚至靈頑不靈死都唔認你係唔掂
6Wing:菩提本無事 Hip-Hop本無根
甚至係1970年代嘅美國公民都未必識答佢
正定邪 點樣分
香港嘅Hip-Hop自有香港嘅意義 唔使跟
|
|
|
|
