|
|
- 林生祥 阿欽選鄉長 歌詞
- 林生祥
- 主持人：
主持人：各位鄉親，亦下我等介候選人已經來到現場。十年前佢事業有成，歸來奉獻家鄉，佢毋系落葉但係決定歸根。十年來佢從村長、代表會主席、農會理事長，一路從基層做起，建設地方。佢熱心公益，學校項、廟項、安養院，只要有困難撖佢講，十萬，二十萬，佢就按吶恬恬來行善。過有吶，地方項大大細細介事情：麼該車禍灰毋正啦、公婆吵事、兄弟分家分毋平，一通電話敲去，就算三更半夜，發風落雨，佢有照常出動。各位鄉親，佢做到按吶，還要分人嫌，講佢讀書毋識，佇外背打彳亍混江湖。捱罵過佢，我講兄弟，汝樣會恁憨。佢怎吶撖我講哇，佢講，祥仔，毋怕介呀，我等要歡喜做，甘願受。各位鄉親，汝等講看嘛勢，恁純良介後生仔，系毋系值得大家來撖佢相惜，系毋系值得大家來撖佢牽成，汝等講按吶著啊毋著啊？各位鄉親，亦下我等大家就來歡迎，做硬事，食硬飯，屙硬屎，滮直尿，打不還手，罵不還嘴，腳踏實地介本莊後生仔，登記第2號，阿欽！
亦下我等來撖佢籲分佢當選，好冇？
阿欽當選！阿欽當選！阿欽啊阿欽！當選呀當選！
候選人：
鄉親父老，大家好
阿欽來問候
這擺選舉十分十分激烈
對方又來夾報又來放送
一賴仔罵我烏道
講我呀歸圓身刺龍刺鳳
我姆聽到是一腳步有毋敢踏出去喲
主持人：阿欽，衫擼起來分大家看，系毋系真是有刺龍刺鳳！
候選人：毋冇啊，會壞勢呀，我介嫁仔會罵啊！
主持人：毋怕，無要緊，男仔人，驚麼該！擼起來，來，仃轉來，分大家看嘛勢，後背。汝等看哪勢，有刺龍刺鳳冇？雪白！一粒烏蠅屎有冇！
候選人：
鄉親父老，真冤枉
汝等有看麼人選舉選到按才過
脫衫脫褲餵冇
阿欽來請教
莊項係有麼人分我欺過
請汝等大聲講出來，毋怕
主持人：阿欽佢講啊，系準得講麼人來舉手，講有欺侮過佢呀，佢馬上退選！
候選人：
真是，阿欽出外打拚有情有義
家鄉子弟就係阿欽結拜
阿欽事業還做得
歸來奉獻家鄉
出錢出力從來無計較
爭取預算建設地方
阿欽行頭前大聲籲
三更半夜系鄉親出事情電話犒來
阿欽調解最煞猛信用最厚
汝等講著啊毋著啊？
阿欽當選！阿欽當選！阿欽啊阿欽！當選呀當選！
候選人：
鄉親父老，佢等又罵
麼該阿欽學歷低
無資格做汝等鄉長
讀毋識書阿欽毋敢毋承認
但係我問大家
本莊出恁多博士恁多碩士
又有麼人甘願留下來
為大家來服務呢？
阿欽讀書毋多
政見毋敢亂寫
地方事本成就大家事
阿欽歡迎大家指點
鄉親有認同，撖阿欽講
阿欽這擺係來順利當選
就來做大家介長工
撖大家來沖沖衝
按吶好冇！
阿欽當選！阿欽當選！阿欽阿欽！當選當選！
主持人：各位鄉親，天光日就係投票日，拜託所有介鄉親撖所有介選票，來共下來支持捱等本莊純良介後生仔阿欽，拜託！拜託！
散場評論：
婦女一：餵，婦女家，看去鳥欽氣勢毋會差，怕會著哦！
婦女二：聽說本錢已經扡下去矣，
婦女一：那1號一禮拜前砲彈就落下去矣！
婦女二：屌佢多，誰人著有相同，田要耕，菜要種，排篙要戢。
婦女一：來歸，天光日要種菜，還是自家的鑊鑼正有飯好添。
造字注：第三段第三行的“仃”，其部首應為“辶”。
（普譯）
主持人：各位鄉親，現在我們的候選人已經來到現場。十年前他事業有成，回來奉獻家鄉，他不是落葉但是決定歸根。十年來他從村長、代表會主席、農會理事長，一路從基層做起，建設地方。他熱心公益，學校、廟裡、安養院，只要有困難跟他講，十萬，二十萬，他就這樣默默行善。過有，地方上大大小小的事情：什麼車禍談不攏、夫妻吵架、兄弟分家分不平，一通電話打去，就算三更半夜，刮風下雨，他都照常出動。各位鄉親，他做到這樣，還要給人嫌，說他書讀不通，在外面流浪混江湖。我罵過他，我說兄弟，你怎會這麼傻。他怎麼跟我說的呢，他說，祥仔，不要緊呀，我們要歡喜做，甘願受。各位鄉親，你們評評理，這麼純良的年輕人，是不是值得大家來相惜，是不是值得大家來牽成，你們說對不對啊？各位鄉親，現在我們大家就來歡迎，做硬事，吃硬飯，屙硬屎，滮直尿，打不還手，罵不還嘴，腳踏實地的本莊年輕人，登記第2號，阿欽！
現在我們來喊給他當選，好不好？
阿欽啊當選！阿欽啊當選！阿欽啊阿欽！當選啊當選！
候選人：
鄉親父老，大家好
阿欽來問候
這次選舉十分十分激烈
對方又來夾報又來放送
到處罵我黑道
講我呀全身刺龍刺鳳
我媽聽到是一腳步都不敢踏出去喲
主持人：阿欽，衣服掀起來給大家看，是不是真有刺龍刺鳳！
候選人：不要啊，我會不好意思呀，我老婆會罵啊！
主持人：別怕，不要緊，男子漢，怕計麼！掀起來，來，轉轉來，給大家看看，後面。你們看看，有刺龍刺鳳嗎？雪白！一粒蒼蠅屎都沒有！
候選人：
鄉親父老，真冤枉
你們有看過誰選舉選到這麼可憐
脫衣脫褲的嗎
阿欽來請教
村里若有誰給我欺侮過
請你們大聲講出來，沒關係
主持人：阿欽他說呀，若是有人來舉手，說有被他欺侮過的，他馬上退選！
候選人：
真的，阿欽出外打拚有情有義
家鄉子弟就是阿欽結拜
阿欽事業還還可以
回來奉獻家鄉
出錢出力從來不計較
爭取預算建設地方
阿欽走前頭大聲喊
三更半夜若鄉親出事情電話敲來
阿欽調解最勤奮信用最厚
你們說對不對啊
阿欽啊當選！阿欽啊當選！阿欽啊阿欽！當選啊當選！
候選人：
鄉親父老，他們又罵
什麼阿欽學歷低
沒資格當你們鄉長
讀不識書阿欽不敢不承認
但是我問大家
本村出這麼多博士這麼多碩士
又有誰人甘願留下來
為大家來服務呢
阿欽讀書不多
政見不敢亂寫
地方事本來就大家事
阿欽歡迎大家指點
鄉親有認同，跟阿欽講
阿欽這次若順利當選
就來做大家的長工
跟大家來沖沖衝
這樣好嗎
阿欽當選！阿欽當選！阿欽阿欽！當選當選！
主持人：各位鄉親，明天就是投票日，拜託所有的鄉親把所有的選票，來一起來支持我們本村純良的年輕人阿欽，拜託！拜託！
散場評論：
婦女一：餵，婦女家，看來鳥欽氣勢不錯，可能會中。
婦女二：聽說本錢已經灑下去了。
婦女一：那1號一禮拜前砲彈就落下去了！
婦女二：管這麼多，誰中都相同，田要耕，菜要種，船篙要撐。
婦女一：回家吧！明天要種菜，還是自家的鍋子裡才有飯好添。
|
|
|
|
