|
|
- 童欣 雪梅思君 歌詞
- 童欣
- 雪梅思君
童欣
唱出雪梅分恁聽
雪梅做人真端正
甘願為君守貞節
流傳名好名聲
勸恁列位注意聽
著學雪梅這所行
毋嗵學人做歹仔
無尪婿生子歹名聲
正月算來人迎紅
滿街人馬鬧蔥
前街鬧熱透後巷
人看人看迎紅
虧得雪梅守空房
十七八歲毋嫁尪
目屎流落目眶紅
願心想我子親像人
二月算來春草青
草仔發芽草青青
雪梅看子喉頭滇
春天雨落袂離
針黹毋繡布毋織
暝日哀怨心傷悲
心肝死人做伊去
等幾時才能得相見
二月算來二月閏
雪梅抱子問灶君
要問商輅的字運
問商林的亡魂
怎樣甲阮無緣份
做伊死去見閻君
乎阮雪梅找無君
心肝想那想那怨恨
三月算來是清明
家家戶戶上山頂
雪梅抱子到墓前
墓桌前排三牲
三杯白酒排頭前
一對白燭點雙邊
要買墓紙台墓頂
望商輅母子會長成
四月算來是夏至
娘婢相招問翁姨
要問商林怎會死
牽亡魂來說起
歲壽吃到五十四
一點風痰感入脾
吃沒著藥才會死
誤雪梅青春少年時
五月算來人縛粽
江中鑼鼓鬧蔥蔥
有尪有婿要游江
秦雪守空房
亂風拆散薄情人
鴻雁分開在西東
商輅我子這細漢
等幾時才會親像人
六月算來是半年
玉蘭開花白迷迷
南風吹來清香味
紅秋蟬哭吱吱
聽見杜鵑叫聲悲
聲聲叫出苦傷悲
心肝死人自伊去
放細子乎我在養飼
七月算來七夕天
牛郎織女在河邊
七月初七要相見
恨商林早過身
前世注定歹八字
一世甲君袂團圓
歹命雪梅來嫁伊
要見君除非著後世
八月十五月大光
雪梅想君入花園
看見百花開十全
看月光想著君
十六年未入君門
並無甲君困同床
雪梅思君心頭酸
要見君除非入閻門
九月算來是九重
雪梅思君入繡房
拿起針線繡花叢
繡雙鳳朝牡丹
又繡一隻孤飛雁
天邊海角亂飛還
聲聲哭出真哀怨
秦雪梅甲恁同一款
十月算來北風寒
翻籠翻箱翻被單
拿起商林的長衫
無愛看傷心肝
前年花園企對看
今年放煞我孤單
拿起遺衫乎君看
燒乎君陰間穿袂寒
十一月算來是冬至
家家戶戶人做節
有人搓圓有人做粿
虧雪梅大慘淒
頭梳圓髻插白花
腳穿烏襪甲白鞋
身穿一領布仔花
毋末粉打扮守大體
十二月算來是年兜
家家戶戶人敬孝
雪梅點香到門口
跪落大聲號
聲聲哭出我家口
少年守節在地叨
毋願乎人講藉口
願心想我子會出頭
|
|
|
|
