|
|
- 恆春兮 講古時間(半屏山英烈傳) 歌詞
- 恆春兮
- 【開場】
各位聽眾朋友大家好，您今也所收聽是蕃薯之聲廣播電台，
由恆春兮為您主持兮蕃薯有夠傖，現在進行兮是【講古時間】 。
咱頂禮拜說到這個父子流浪記，男主角張永松為著欲找伊兮愛妻
F.MI.率著細囝流浪千萬里，歷經風霜，受盡艱難，想未到伊兮愛妻，
只是搬去伊舊茨兮隔壁巷也，遂予張永松歸台灣找透透。
對這個結局，真濟聽眾朋友十分兮不滿，有兮更寫批來罵。
但是恆春兮欲合各位聽眾朋友講，人翁也婆團圓，
您不當目孔赤，咱這禮拜欲講兮是，正宗武俠東南派西北派之半屏山英烈傳！
工商服務【一條龍五癆七傷散】
人兒置外口拷到，傷到，撞到，轉來茨不敢講，囥久就會變暗傷。
人講酒匟久會芳，病匟久會重，細孔不補，大孔就叫艱苦。這個時辰
【一條龍五癆七傷散】趕緊吞，保證身體淙淙滾，甭更怨嘆別人兮囝像龍鳳，
只有咱兮人兒不成狀，錢包毋當更賭強，亦毋免合您翁來參商，
一頃五罐買落去，保證人兒講媽媽我愛你，阿母我愛你。
【一條龍五癆七傷散】請到各大電台指定藥房購買，欲買愛認明，
包裝外口，有一尾土蚓，才是咱【一條龍五癆七傷散】。
【中場】
咱現在來講這個半屏山英烈傳，轟動武林，驚動萬教的善蟲伯置今日已經出關囉！
想起到三年前敗在魔魁藍天使的手頭十分兮不願，所以閉關修煉，學成武林絕學，
方向盤霹靂掌。方向盤霹靂掌是十分兮厲害，若是善蟲伯用五成兮功力，
會當將高雄市政府破成平地。
工商服務【阿雄素食牛肉麵】
咱講方便麵兮口味，大家食了真濟，但是若欲愛有特色兮，就愛看這個
【阿雄素食牛肉面】。 【阿雄素食牛肉麵】是採用食素食兮牛來製造，
所以食素兮人士亦會當食。 【阿雄素食牛肉麵】防腐劑、抗氧化劑，
斤兩攏無給咱偷，滲合足足足。 【阿雄素食牛肉麵】各大店頭攏有得賣，
連咱這個主角善蟲伯亦真愛食。 【阿雄、阿雄素食牛肉麵】。
【尾聲】話說善蟲伯看時間亦差不多，便用輕功往魔魁藍天使殷兜前進，
善蟲伯兮輕功是江湖中數一數二，正跳左衝，一目目閏就經過幾多個路口。
當伊更欲沖另外一個路口兮時，忽然間一台車闖出來，善蟲伯閃避不及；
馬路如虎口，行人不要亂亂走，馬路如虎口，行人毋當亂亂走。
|
|
|
|
