|
|
- 歐陽靖 1997 歌詞
- 歐陽靖
- 我雖然喺美國出世啊un huh
但我都係仍然咁掛住香港check it out yo
我記得以前細個聽啲大人講九七之前一定要離開香港
我根本就唔識所以無意見回歸十年後都好似無乜變
香港仍然系咁好我返親去個感受都真係好似解釋唔到
一落機就痴癡呆呆好似時光倒流回到未來
我已經變返小朋友放暑假探緊我外婆拖住佢個手
多數喺公園吸緊新鮮空氣
如果乖仲有得去歡樂天地
或者去商場買嚇玩具行街市我不嬲都唔想去
唔使買餸都要兜翻兩個圈
啲師奶見到就話啊你個孫啊
無錯個孫就係我眨嚇眼我都已經咁大個
香港就仍然咁大除咗新機場連迪士尼都起埋
唔知我老豆細個移民去美國想當年
有啲乜嘢感覺點都係中國人就當系度假
離開個國家都飛唔出個手指罅
唐人戲唐人報紙唐人街
唐人需要嘅全部都有齊曬
2006最新嘅報告老實講我真係發夢都估唔到
我有呢個機會同大家分享我啲經歷我間中都睇翻啲相
我第一次返香港做Show 刺激過坐過山車唔理佢幾高
我已經算系執到金我淨系想你知我Rap親都係用個心
除咗咁I don't know what else to say
我好開心我今日終於翻到屋企
so get ready get ready get ready
JIN：嗱老豆講開又講啦其實你幾時唻美國架姐
DAD：1971年啦我諗系咁上下啦
JIN：咁上下啊你你記得香港乜嘢呢
DAD：我哋嗰個年代十四五歲都記得好多嘢嘅不過唔同你哋依家啦
香港咁發達其實我都好掛住嘅嗰個年代咧我哋去啟德玩嘅好似好濕碎嘅
JIN：咁你都可以話掛住香港啦係嗎?
DAD：梗系啦話曬我都係香港竹升嘛ABC唻嘅
JIN：香港嘅ABC啊
DAD：係啊啊仔唔好一味咁拍我膊頭啦你問就問啦
JIN：唔係啊咁你話曬系我老豆我有小小壓力吖嘛
DAD：咁你拍我膊頭拍到我訪問起上來我都驚我都有壓力架嘛
JIN：餵咁你有壓力我都有壓力
DAD ：我都好大壓力嘎問啦繼續問啦你唔好一味咁拍我膊頭啦等我
依家講到窒曬口啦你想唔想訪問啊
JIN：想想想
DAD：你想訪問就同我講道歉先啦
JIN：OKOK 對唔住
DAD：道歉要握手先得嘎
JIN：哈哈哈哈
|
|
|
|
