|
|
- 孫淑媚 心萎 歌詞
- 孫淑媚
- 作詞：林秋離
作曲：熊美玲
思念的滋味酸當做甜
愛你愛這幾年一回頭攏過去
人有時想不開天光看做是暗暝
目屎像落雪煞一點一點飛落
行過彼條路阮是怎樣會這糊塗
為何你的心會這呢冰啦嘴唇這呢甜
按怎講甲這呢虛我偏偏相信你
真正我的感情放這多
啊心會這呢萎啦你乎阮吃虧
回頭看阮的心情往事風吹不開
苦戀的滋味我沒怨天
當初也是有意將心肝放乎你
完全是離抹開假愛當做是安慰
悲傷親像雨煞一陣一陣打落
阮的彼場夢夢內我猶原醉茫茫
------------------------------- -----------
《心萎》Sim Ui
孫淑媚Sun Siok-bī
思念的滋味
su-liām ê tsu-bī
酸當做甜
sng tòng-tsuè tinn
愛你愛這幾年
ài lí ài tsit kuí nî
一越頭攏過去
tsi̍t ua̍t-thâu lóng kuè- khì
人有時想袂開
lâng ū-sî siūnn buē khui
天光看做是暗暝
thinn-kng khuànn-tsuè sī àm-mî
目屎像落雪
ba̍k-sái tshiūnn lo̍h-seh
煞一點一點飛落
suah tsi̍t-tiám tsi̍t-tiám pue--lo̍h
行過彼條路
kiânn kuè hit tiâu lōo
阮是怎樣會遮糊塗
gún sī tsuánn-iūnn ē tsiah hôo-tôo
為何你的心會遮爾冰啦
uī-hô lí ê sim ē tsiah-nī ping- -lah
喙唇遮爾甜
tshuì-tûn tsiah-nī tinn
按怎講甲遮爾虛
án-tsuánn kóng kah tsiah-nī hi
我偏偏相信你
guá phian-phian siong-sìn lí
真正我的感情囥遮濟
tsin-tsiànn guá ê kám-tsîng khǹg tsiah tsuē
啊~心會遮爾萎啦
ah~ sim ē tsiah-nī ui--lah
你予阮食虧
lí hōo gún tsia̍h-khui
越頭看阮的心情往事
ua̍t-thâu khuànn gún ê sim- tsîng óng-sū
風吹袂開
hong tshue buē khui
苦戀的滋味
khóo-luân ê tsu-bī
我無怨天
guá bô uàn thinn
當初也是有意
tong-tshoo iā-sī iú-ì
將心肝放予你
tsiong sim-kuann pàng hōo lí
完全是離袂開
uân -tsuân sī lī buē khui
假愛當做是安慰
ké-ài tòng-tsuè sī an-uì
悲傷親像雨
pi-siong tshin-tshiūnn hōo
煞一陣一陣拍落
suah tsi̍t-tsūn-tsi̍t-tsūn phah--lo̍h
阮的彼場夢
gún ê hit tiûnn bāng
夢內我猶原醉茫茫
bāng-lāi guá iu-guân tsuì-bâng-bâng
---
為何你的心會遮爾冰啦
uī-hô lí ê sim ē tsiah-nī ping--lah
喙唇遮爾甜
tshuì-tûn tsiah-nī tinn
按怎講甲遮爾虛
án-tsuánn kóng kah tsiah -nī hi
我偏偏相信你
guá phian-phian siong-sìn lí
真正我的感情囥遮濟
tsin-tsiànn guá ê kám-tsîng khǹg tsiah tsuē
啊~心會遮爾萎啦
ah~ sim ē tsiah-nī ui--lah
你予阮食虧
lí hōo gún tsia̍h-khui
越頭看阮的心情往事
ua̍t-thâu khuànn gún ê sim-tsîng óng-sū
風吹袂開
hong tshue buē khui
|
|
|
|
