|
|
- 陳輝陽 三千年後(李香琴) 歌詞
- 陳輝陽
- 作曲：陳輝陽
編曲：陳輝陽
監製：陳輝陽
再見
唔好怪我第一句就同你講再見
因為我真係專程黎同你道別嘅
你知道我係邊個架
不過你唔記得咗之嘛
我記得你嘅你總系笑瞇瞇咁望住我
你唔講嘢淨系聽我講嘢
嗰陣時個世界好安靜無而家咁嘈
襯得我特別吱喳特別開心
我記得你隻手掃過我背脊既感覺
我記得同你去睇映畫戲
你會系我耳仔邊講嘢
你講得好細聲
其實我一啲都聽唔清楚
不過我好鐘意聽你咁樣同我講嘢
以後再無人咁樣同我講嘢
我記得你好鍾意睇日落
睇完日落就去聽音樂會
我地又成日散步去食宵夜
個陣唔知點解
週不時都分唔清楚究竟系星期幾
日子好似唔會過去嘅
時間好似系停咗落黎咁
然後忽然間
就發覺原來已經經過咗好多年
我記得好痛
因為你話俾我知你要走
我再無睇過日落
亦都無再同人食宵夜
原來難過嘅日子
一樣好似唔會過去
然後又係一眨眼
至發覺已經過咗好多年
我記得你同我去過嘅每一個地方
我唔會再去嘞
個啲茶座舞廳同花園
而家系點我唔知嘞
個啲地方通通留喺我心裡面
不過我知道你唔記得架嘞
唔緊要我一個人記住就得啦
我唔會講我老啦
我只係會講我喺度太耐
時間耐咗
難免知道人總會慢慢咁將過去淡忘
又會睇住啲嘢無聲無息咁樣消失
我點解要走? 怪我自己啦
我先兩日唔知諗緊乜嘢
無端端走咗去睇日落
個日落就同我記得陪住你睇嗰個樣一樣
不過就算我點樣裝出若無其事
我都無辦法唔承認
我失去嘅嘢實在太多
我要走嘞如果你記得番我係邊個
我知道你一定會好唔捨得我
仲會好掛住我
再見
|
|
|
|
