|
|
- 黃秋生 蒙古殺手 歌詞
- 黃秋生
- 記得喺我六歲嘅時候
我阿婆帶我去一個好遠好遠嘅地方旅行
喺一列佈滿士兵嘅火車上面
我哋遇見一個死刑犯
嗰啲著住綠色制服嘅人帶緊佢去刑場
當一粒冷酷而無表情嘅子彈安放入槍膛入面之後
佢哋將會喺刑場上面結束佢嘅生命
而家我哋繼續行程
去到另一個世界
我哋依家繼續行繼續行
火車繼續行駛
風聲車聲人聲槍聲
甚至乎無聲
大部分嘅時間佢都筆直咁樣企喺車頭
好似一支領航嘅旗幟
冷冷睇住車上邊飲得爛醉嘅乘客人來人往
佢喺離開之前望咗我最後一眼
佢面上面帶住一個好奇怪嘅笑容
深深咁樣震動我幼小嘅心靈
忽然之間我感覺到一種前所未有嘅溫暖
我哋係無言之中默默咁樣交流咗一個強烈嘅慾望
殺死每一個人
二十年之後我強壯得可以用任何嘅方式殺死每一個人
而家陽光撫摸我赤裸嘅上身
我筆直咁樣企喺當年佢企個位置
睇住佢當年曾經睇到嘅同一個風景
感受佢當日同一個感覺
火車繼續移動草原以一個奇怪嘅角度展現喺我眼前
我嘴裡面品嚐住遠方吹來嘅寒風
我祈求蒼天感謝你賜我力量
綠色制服企喺我身邊
同我一齊超越時光望到二十年前嘅我就企喺我面前
一個小朋友然後漸漸消失
喺心裡入面我靜靜咁樣向蒼天訴說住再見
一係我最後見到嘅影像
一粒金屬就快要將我生命完結
我甚至已經感覺到遠方另一個世界
我唔肯定我會不會返嚟
再返嚟喺每一個人心裡面
|
|
|
|
