- Xyclone Munting Prinsesa 歌詞
- Xyclone
- Ika-sampu ng Nobyembre, alas-sais bente
Ng umaga ng taong dos-mil-onse
Mula sa opisina mabilisang umuwi
Bumyahe ng alas-kwatro y medya baka sakaling
Maabutan marinig ang una mong pag-iyak
Habang ang malamig na pawis ay tumatagaktak
Ayokong umupo di makali pabalik-balik
Aking paglakad sa nakakabinging pagkatahimik
Ng sabihin ni doktorang pwede na kayong makita
Dali dali na pumasok habang puso'y sumisipa
Aking baga ay lalo tuloy kapos sa paghinga
Habang aking munting anghel tahimik na nakahiga
Parang alam mo ng andito ako, kahit na di pa
Nga nakakakita sakin ay nakangiti ka
Unang sulyap ko pa lang sayo aking panata
Sumpa, pangako, ikaw ay habang buhay na ang
Aking munting prinsesa, nagbibigay ngiti
Sa tuwing ika'y kasama sa bawat sandali
Aking munting prinsesa, at sa'yong tabi
Ako'y mananatili hanggang sa huli
Handa kong magtrabaho kahit hanggang tumanda
Buto'y babanatin hanggang mapagtapos kita
Kahit mabali ang likod kakayod ayos lang
Ihahatid ka sa tuktok kahit pasan at pagapang
Ang nais ko'y magkaroon ka ng wala ako
Makamtan mo ang lahat ng mga ninanais mo
Materyal man o hindi handa ko na pagsumikapan
Ng ang lahat ng hilingin mo ay yong mahawakan
Aakyat sa entablado hawak-hawak ang piraso
Ng nirolyo na papel na merong nakataling laso
Pumatak man ang luha yun ay dahil nagawa
Mong makuha mga bagay na sakin ay wala
Oras , pawis at dugo, handa kong ibigay
Walang pagdadalawang-isip kahit buhay iaalay
Matupad ko lamang ang lahat ng aking panata
Sumpa, pangako, ikaw ay habang buhay na ang
Aking munting prinsesa, nagbibigay ngiti
Sa tuwing ika'y kasama sa bawat sandali
Aking munting prinsesa, at sa'yong tabi
Ako'y mananatili hanggang sa huli
Kahit ako ang hari ay magsisilbi mong kawal
Nakatayo sa'yong tabi, gamitin mong balabal
Sa panahon ng tag-lamig kasama ng kape
Sasamahan kang mag-aral magdamag kapag gabi
Sa mundong mapangmata laging nakamatyag
Kapag merong mangungutya ako ang kalasag
Na sasalag sa mga bungangang ayaw magsipag-tahimik
Ako ang kakampi at kaibigan mong matalik
Pabalik kong sisipain ang lahat ng ulupong
Susubukan kang saktan uuwi ng pagulong
Sabihin mo sa akin ang lahat akong bahala
Kahit mahirap, aabutin ang mga tala
Anumang pangarapin mo, ako'y nakaagapay
Nakasalo aking kamay kapag ika'y nangalay
Pamatay na mga linya ba, ito'y aking panata
Sumpa, pangako, ikaw ay habang buhay na ang
Aking munting prinsesa, nagbibigay ngiti
Sa tuwing ika'y kasama sa bawat sandali
Aking munting prinsesa, at sa 'yong tabi
Ako'y mananatili hanggang sa huli
|
|
